Search
Generic filters
تحديد البحث
الكل
شرائح الكهرباء والشحن

هنفترض أن اول ثلاثه اسعار كمثال :

– لو شحنت ب   50 جنيه هتاخد رصيد 161 كيلو وات

– لو شحنت ب 100 جنيه هتاخد رصيد 267 كيلو وات

– لو شحنت ب 150 جنيه هتاخد رصيد 352 كيلو وات

لازم نعرف ان المحاسبه بتكون تراكميه حسب ارتفاع الشريحه خلال مده الشهر  يعني :

– لو شحنت اول مره في الشهر ب 50 جنيه هتاخد 161 كيلو وات  .

– لو شحنت ثاني مره في نفس الشهر ب 50 جنيه تاني هتاخد 106 كيلو وات …. مش 161 كيلو وات زي اول مره .

– لو شحنت ثالث مره في نفس الشهر ب 50 جنيه ثالث هتاخد 85 كيلو وات … مش 161 كيلو وات زي اول مره ولا 106 كيلو وات زي تاني مره .

طيب ليه كله مره بتشحن فيها بنفس المبلغ وفي نفس الشهر كل مره باخد رصيد اقل :

– هنفكرك بالنقطه اللي فاتت ان المحاسبة بتكون تراكمية .

– يعني تاني مره حضرتك شحنت فيها ب 50 جنيه … اعتبر انك كده شحنت في الشهر ده باجمالي مبلغ 100 جنيه ( 50 + 50 )  وبكده انت في شريحه 100 جنيه اللي بتدي رصيد 267 كيلو وات اللي في اول نقطه …. اخدت انت منهم اول مره شحنت 161 كيلو وات يبقي ليك الباقي 106 كيلو وات ( 267-161=106 كيلو وات )

– وثالث مره حضرتك شحنت فيها ب 50 جنيه … اعتبر انك كده شحنت في الشهر ده باجمالي مبلغ 150 جنيه ( 50+50+50 ) وبكده انت في شريحه 150 جنيه اللي بتدي رصيد 352 كيلو وات اللي في اول نقطه … اخدت انت منهم في اول وثاني شحنه 267 كيلو وات يبقي ليك الباقي 85 كيلو وات ( 352-267=85 كيلو وات )

وينطبق نفس الامر علي باقي الشرائح بالتسلسل

يعني من الاخر وببساطه … قدر استهلالك طول الشهر … واشحن مره واحده لانها هيا هيا …. لانك كده كده هتتحاسب بالشرائح

ومتحاولش تشحن بزياده خاصه في الصيف علشان متتدخلش في الشرائح الكبيره وتاخد كميه كيلو وات قليله… واشحن كل شهر ….

وحاول في الشتاء تشحن برضه زياده شويه عن استهلالك علشان تستفيد بالشرائح الاقل وخاصه ان استهلالك هيكون اقل علشان مفيش تكييفات وتقدر توفر للشتاء .. وطبعا ليها حد اقصي من التحويش حسب استهلالك اخر ثلاثه اشهر

شارك معانا بتعليق :
error: جميع حقوق النشر محفوظة © - رابطة سكان مدينتي