- شغل اشاره الانتظار، وتجنب تماما اي سير عكس الاتجاه.
- نور السياره لازم يكون علي السهاري وليس الواطي أو العالي (الواطي ارتفاع اضاءته بترض النور من الشبوره الي عين السائق) وتزيد من معاناه سائق السياره ألي أمامك
- السير في صوره طابور يعني واحد في المقدمه والسيارات تمشي طابور وراه
- الطابور بيمشي فى منتصف الطريق (الحاره اللي في النص) وبيكون خطين الحاره هما ميزان السير كذلك لو ماشي لوحدك
- تسيب مسافه أقلها 5 الي 10 متر من اللي قدامك (حسب كثافه الشبوره والسرعه)
- القياده فى الليل نفس الكلام بس بتدي رعشه نور عالي كل 100 الي 150 متر علشان السيارات اللي عندها اعطال في كشافاتها او راكنه بدون اي اشارات انتظار او تنبيه.
- الزينون ممنوع تماما لأن درجه أنعكاسه علي الشبوره عالي جدا بعكس الضوء الأصفر جزء منه بخترق الشبوره وجزء بينعكس , علشان كده كل اضاءه الشوارع صفراء
- لو الفوجات صفراء شغلها بس لو زينون بلاش أرجوك
- بنأكد لازم تشغل الأنتظار طول ما انت ماشي وأوعي تقفله علشان اللي وراك يشوفك لأن نور السياره الخلفى ضعيف ومش بيخترق الضباب زي الأصفر + الفلاشينج بتاع الأنتظار منبه أعلى من الأحمر الخلفى
- لو أنت اللي ماشي فى المقدمه و ةعايز تفرمل بترعش على الفرامل ثم تفرمل وطبعا سرعتك بطيئه جدا أصلا
- لو فيه عربيه نقل أو أي شئ وعايز تطلع من الحاره اللي فى النص الي أخرى يمين مثلا بتقفل الأنتظار وترعش فرامل وتدي اشاره يمين
- لو انت ماشى فى نص الطابور نفس الأشاره اللي قدامك بيعملها تعملها انت كمان علشان المعلومه توصل للطابور كله (يعنى اللي قدام وجد تريلله في النصف ولازم فرامل بسيطه وانت عرفت من اشارته , أوعي تبخل بالمعلومه للي وراك )
- باختصار القياده الناجحه فى الشبوره هي التزام منك + التزام جماعي
- ومش عيب انك تركن علي جنب لو مش قادر تسوق فى الشبوره لأن السواقه فى الشبوره بتخليك منتبه اكثر من اللازم فممكن بعض الناس اعصابها مش بتستحمل
طبعا المساحات تشغلها، والتكييف تشغله علي اقل حاجه وتعمله علي الهوايات علشان الجو خارج السياره ابرد من الداخل + نفس الركاب فى السياره هيعمل غيامه علي الزجاج .
مع التكييف مش هيكون فيه مشكله ان شاء الله
ملحوظه لو فيه بخار ميه من الداخل اوعي اوعي تمسحه بمنديل او بيدك (هيبقع علي الزجاج ألا لو معاك فوطه كويسه) مجرد فتحه تكييف ثوانى وهيروح.
حفظكم الله وطريق السلامه
